ඊ - සිප්හල
ආයුබෝවන්! ඔබ සියලු දෙනාම සාදරයෙන් පිළිගන්නවා. මෙම වෙබ් අඩවිය හරහා 6,7,8 වසර වල සිටින ඔබ සියලු දෙනාගේ මාර්ගගත අධ්‍යාපනය නිසා මගහැරී ගිය ඇතැම් විෂයන් වල පාඩම් video මගින් නැවත ඉගැන්වීමට අපි කටයුතු කරනවා.
ව්‍යාප්ත වී ඇති නව කොරෝනා වෛරසය නිසා දිවයිනේ සියලුම පාසල් වසා දමා ඇත. එම නිසා සියලුම සිසුන් මාර්ගගත අධ්‍යාපනය සඳහා යොමු වී ඇත. නමුත් බොහෝ පළාත්වල බොහෝ සිසුන්ට එවැනි පහසුකම් නොමැත. ඇතැම් ළමුන්ට එම මාර්ගගත අධ්‍යාපනය සඳහා සම්බන්ධ වීමට දුරකථන යන්ත්‍රයක් හා තවත් ළමුන්ට සම්බන්ධ වීමට දුරකථන සංඥා නොමැත.
එම නිසා එම ළමුන්ගේ අධ්‍යාපනයට බොහෙවින් බාධා ඇතිවේ.සමහරක් ළමුන් තම පාඩම් සදහා සම්බන්ධ වීමට දුරකථන යන්ත්‍රයක් මිලදී ගැනීමට උත්සාහ කරන අතර තවත් ළමුන් දුරකථන සංඥා සෙවීම්ට ගල්තලා , කඳු , කුඹුරු ආදීි දුරකථන සංඥා ඇති ස්ථාන කරා ගමන් කරති. නමුත් මේ සිසුන් දවසේ වැඩි කාලයක් ගත කරනුයේ මේවැනි ස්ථානවල ය. ඒ ඔවුන්ගේ අධ්‍යාපනය සඳහාය. එවැනි ස්ථාන කරා ගමන් කිරීම මෙම ප්‍රශ්නයට ප්‍රායෝගික පිළිතුරක් නොවේ. වැසි සහිත දින වල මෙන්ම කැලෑවල් ආශ්‍රිතව සිටින විට වන සතුන්ගෙන්ද මෙම ළමුන්ට බාධා ඇතිවේ වේ.